Monoqrafiya və kitablar
Biblioqrafiyada görkəmli alim, geologiya-mineralogiya elmləri doktoru, akademik Əzəl Cəfər oğlu Sultanovun elmi, pedaqoji və içtimai fəaliyyətinin əsas mərhələləri əks olunur. Biblioqrafiya elmi işçilər və vətənimizin elm tarixi ilə maraqlanan bütün oxucular üçün vəsaitdir.
Kitabda dahi Azərbaycan şairi və mütəfəkkiri Nizami Gəncəvinin əsərlərində olan geologiyaya, mineralogiyaya, faydalı qazıntılara və təbii sulara aid məsələlər barəsindəki məlumatlar, elmi fikirlər və mülahizələr araşdırılır, müasir elmi səviyyədən şərh edilir, elmi yeniliklər müəyyənləşdirilir. Şairin fikirlərinin şərhində müəllif geoloji ədəbiyyatdan və öz tədqiqatlarının nəticələrindən də istifadə etmişdir. Nizaminin su ilə əlaqədar deyilmiş hikmət və nəsihətlərindən seçmələr də oxuculara çatdırılır. Kitabın sonunda izahlar, rus və ingilis dillərində xülasə verilir. Kitab nizamişünaslara, geoloqlara, hidrogeoloqlara, şərqşünaslara, elm tarixi tədqiqatçılarına, Nizami irsinin pərəstişkarlarına tövsiyə edilir. Kitabdan ali məktəblərin geologiya fakültələrində müvafiq mövzular üzrə dərs vəsaiti kimi də istifadə edilə bilər.